Schweizer Geschichten

 
S Baue z Basel nimmt kai Änd, und das isch wirgligg s Schlimme.
Wäg dr Sperrig vo dr Brugg, do han i miesse schwimme
Wo n i so am Schwadre bi, schreit näbedra en Alte
Dä het mi wäg de neie Lippe fir e Schluuchboot ghalte.

Sotti do bi uns emol s Verbott fir d Burka koo
Denn root ich allne mit däm Gwand, zu dene Saudis z goo
Dert derfsch als Frau jetzt Auti fahre und das isch dr Hit
Mit 180 dure Blitzer und erkennsch si nit.

Me too...das rieft e mängi Frau, mir fyyle uns nimm frey.
Was dä Harvey Weinstein macht, isch schlicht e Sauerey.
Ich fordere drum fir dä Wicht, was alli Fraue mien.
E effentligi Metzgete, so wie sis d Sissach dien.

 
Dr Polo Hofer glopft an s‘Himmelsdoor
Do kunnt dr Petrus und liist ihm d‘Reegle voor:
Vo mir uss darfsch die ganz Zyt singe
All Stund uff dr Haarfe e Ständeli bringe
Numme ai Bitt, sunscht hänn mer dr Drägg
Inhalier mer do oobe kai Wulgge ewägg!

(Achtung, e Fremdsproocheväärs!)
Lieve Nederlands - niet de Köpfchje lo lampen
Wenn ihr niet kan bjie de WM op de Voetball drampen
Ook Speler wie Robben en Wesley Snejider
Zieht et diese Zommer in de Oldersheijm weijder
Aver alles easy, en roijk en Guuge, ihr müsst de Vordeijl seen:
Weijl ihr habt de ganze Campingplatz dann endlich voor euch alleen!

Ebb Afroschmutz oder Moorekopf
Coco-Jambo oder schwarze Schopf
Ebb exdreem pigmentierte Zuggerschuum
E Kalooriebombe uss em affrikanisch Ruum
Däm khasch saage wie d’willsch, de merggsch es glyy
Am Schluss wirdsch immer dr Neeger syy!