Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2018


Einträge: 1-5 von 56
Seite: 1 von 12
Die Aagfrässene Jungi Garde, CH 4051 Basel - Junge Garde der Fasnachtsgesellschaft Die Aagfrässene
Die Aagfrässene Jungi Garde - Fasnacht 2018
Sujet: Vom Trendsetter zem Schwingerkeenig
Im diefe Draum - so schön! - han-y denn beschlosse:
Ab näggschter Saison ghöri zu de Eidgenosse.
Mit em Kranz sitz-y uff de Schultere vom Abderhalde oobe,
und do kunnt jo scho dr Bundesrot drhär, är will my loobe...
S'Fazit vo dr Gschicht: Wär guet dräumt und ganz dief pennt,
haut jede Bööse logger wäg - ganz ohni Mode, ohni Trend!
(e Usszug uss em Zeedel 2018)
Alti Glaibasler Setzlig, CH 4057 Basel - Junge Garde der Alte Glaibasler AGB
Alti Glaibasler Setzlig - Fasnacht 2018
Sujet: Initiative - Bezaubernd Alternativ Splatoon Energisch Liebi
Mir Setzlig liebe 's Raise und bruche nit vyyl Gäld,
denn unsers gliebte Zyyl isch die virtuelli Wält.
Dert inne git 's e Spiili mit Namme Splatoon 2,
das spiile mir energisch und wänn fascht nimme haim.
Me ka mit Farbe moole, kai Flägge blyybt me grau
und wenn mir uns vergässe, gseen mir bald us wie d'Sau.
(e Usszug uss em Zeedel 2018)
Alti Richtig Schnuffer & Schnoogge, CH 4051 Basel - Junge Garde vo dr Alte Richtig Basel
Alti Richtig Schnuffer & Schnoogge - Fasnacht 2018
Sujet: Travail carnavanimal
Scheefli mien als Öko-Raase - maaier uff de Matte graase.
Statt em Mensch schafft also s Schoof. D Idee isch aigedlig nit doof.
Mir - naimeduure - dien s begryffe. Bi uns mien jo au Schnoogge pfyffe.
Dr Mensch derwyyle duet sich suule, und liggt nur uff dr Hut, dr fuule.
Wääred Dier fir iin dien grampfe, goot är e Wurscht mit Broot go mampfe.
Drum saage mir eich alle zämme: Iir fuule Sieche diend ich schämme!
(e Usszug uss em Zeedel 2018)
Alti Stainlemer Jungi Garde, CH 4051 Basel - Junge Garde des Stammvereins Alti Stainlemer
Alti Stainlemer Binggis - Fasnacht 2018
Sujet: Sone Bächvogel
Me nennt en SK 0-9-2. Dä Storgg isch wagglig uff de Bai.
Will die Gschicht bi de Medie ziet, beweggt sy alle Mensche s Gmiet.
Me nennt en Ibrahim Al-Hai. Dä Bueb isch wagglig uff de Bai
Dä Bueb hett kalt und liggt im Drägg, doch niemets holt en dört ewägg.
Will die Gschicht nit bi Medie ziet, beweggt sy au kaim Mensch sy Gmiet.

(e Usszug uss em Zeedel 2018)
Alti Stainlemer Jungi Garde, CH 4051 Basel - Junge Garde des Stammvereins Alti Stainlemer
Alti Stainlemer Jungi Garde - Fasnacht 2018
Sujet: STAInlemer
Syt 60 Joor freut Gross und Glai sich ab de bunte Legostai.
Und drum kreiert me mit vyyl Gschigg e Megaschau, e "World of Brick"!
Es strööme d Lüt in grosse Schaare, s sin halt alles Spiilzüg-Naare,
doch bim Yydridd, s grossi Stuune, s verdrybd aim grad die gueti Luune,
isch dyy Gnopf au no so glai, är zaalt bigoschd faschd zwanzig Stai.
(e Usszug uss em Zeedel 2018)