Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2019


Einträge: 6-10 von 45
Seite: 2 von 9
Sans Gêne Strizzi und Luuser, CH-4051 Basel - Strizzi, Junge Garde der Sans Gêne
Sans Gêne Strizzi - Fasnacht 2019
Sujet: Syt 50 Joor zem Moond und wiider zrugg
Im Summer ischs gsii vor fuffzig Joor - (männgi bhaupte zwoor, s syg gar nit woor):
Die eerschte Mensche sin uff em Moond glandet - und grad e bitz dappig ummegwandlet.
Und sotte sii doch no s'Bedirfnis griege - e wyters Mol dert uffe z'fliege
fir dä Fall hätte mir e Bitt: Nämmet dr Trump doch au grad mit!
Egal, wie wild dä au mag toobe - laadet en us, und leend en doobe!
(e Usszug uss em Zeedel 2019)
CCB Central Club Basel Jungi Garde, CH-4051 Basel - Junge Garde des CCB Central Club Basel
CCB Jungi Garde - Fasnacht 2019
Sujet: 40 Joor und allewyl no rooti Hoor
E Root-Tiger-Kater mit Kurzhoor Frisur - e orange Späggkloss mit Straiffe-Figur!
Isch fräch, fätt und fuul und e Spuur filosoofisch - was in däre Zyt überhaupt no so doof isch.
Geburtsdaag am Määntig, im Juni geboore - und trotzdäm kai Ghör für das Fescht uff de Ohre.
Will Määntig sinn schwierig, die Dääg duet är hasse - drfür liebt är Wiehnacht, dä Daag duet ihm passe.
Gschängg muess dr Garfield bestimmt nit lang sueche - S git Mählsuppe-Wääie-Lasagne-Kueche!
(e Usszug uss em Zeedel 2019)
Rhygwäggi Jungi Garde, CH-4056 Basel - Junge Garde der Rhygwäggi
Rhygwäggi Jungi Garde - Fasnacht 2019
Sujet: Mir machen ys d Wält wie si UNS gfallt!
Nimm s Schiggsaal in di aige Hand, lueg iiber dr Kindertällerrand!
Bruuch di Kopf und Fantasie, loss dir s Lääbe nit diggdiere
weer di, falls me di als wott zum 0815 Drott verfiere...
3x3 git acht widdewiddewitt und 5 macht drei,
fir das kriegsch kai Diploom, aber s macht di froo und frei!
(e Usszug uss em Zeedel 2019)
Rätz Clique 1923 Jungi Garde, CH-4058 Basel - Junge Garde der Rätz Clique
Rätz Clique Binggis - Fasnacht 2019
Sujet: Aadie Goma
1959 passierts, ebbis vo Bedyddig: Wältwytt stoohts in jeedere Zyddig!
No kai Zoo hett daas bis jetze gschafft: die erscht Gorillagiburt in Gfangeschaft!
Es isch e Maitli, s duet fräch ussem Bettli gnaisse, me beschliesst e Namme, es sell Goma haisse.
Aaber Gfangeschaft isch mänggmol doof: Und so will sy Mammi gar nyt wisse vo sym Goof!
Daas Buscheli wird gfieteret, ghämpfelet und gwooge und vom Mentsch statt em Aff erzooge.
(e Usszug uss em Zeedel 2019)
Rootsheere Jungi Garde, CH-4056 Basel - Junge Garde der Rootsheere Clique
Rootsheere Jungi Garde - Fasnacht 2019
Sujet: X,Y,Z... Was kunnt denn jetz?
Hütt rede mir zämme über Technologie - Handy, Tablets, d'Siri, d'Alexa, bisch drbii?
Technologisch isch dr Fortschritt gross - Bald scho sälber fahre d'Kääre uff dr Stross?
Eins blibt immer glych, sit 1881 jedi Generation - Sait, die nägscht Jüngere hänge z'viil am Delifon.
Es isch scho richtig, dass die Junge hütt - Lang am Handy sin und z'weenig mit de Lüt.
(e Usszug uss em Zeedel 2019)