Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2019


Einträge: 11-15 von 45
Seite: 3 von 9
Muggedätscher Jungi Garde, CH-4056 Basel - Junge Garde der Muggedätscher
Muggedätscher Binggis - Fasnacht 2019
Sujet: Drum ehre mir en jetz - s isch woor
Für sini wahnsinns 90 Joor
Es isch emol vor langer Zytt - z Amerika - s isch keibe witt
öbber gsi, wo gärn duet moole - und eso - ganz unverhoole
e luschtigs Müüsli het kreiert, wo hütt no über d Wält spaziert.
E jeede het dr Mickey gärn! - Het in Hollywood sogar e Stärn!
Ghörsch zu de Gleine oder Groose: due mit uns uff ihn aastoosse!
(e Usszug uss em Zeedel 2019)
Wettstai-Knorzi 1962 Basel, CH-4058 Basel - Wettstai-Knorzi sind die Junge Garde der Wettstai Clique
Wettstai-Knorzi - Fasnacht 2019
Sujet: Schnapsnase zerstere d'Tradition
Wotsch Du zfriide Fasnacht mache, erläbsch Du laider komischi Sache.
Die drey scheenschte Dääg wärde zer Krise, will e baar Type die Dir dien vermyse!
Anstatt fir uns Jungi e Vorbild z'sy, mache die Type unseri Illusione hii.
Mir als jungi Garde wänn dorum sage, mir mechte das nimm wyters verdrage.
Mir wähle das als Sujet und gehn uff d Strooss und stelle die Type e däwäg richtig blooss.
(e Usszug uss em Zeedel 2019)
Alti Richtig Schnuffer & Schnoogge, CH-4051 Basel - Junge Garde vo dr Alte Richtig Basel
Alti Richtig Schnuffer & Schnoogge - Fasnacht 2019
Sujet: Au Du hesch e Vogel
Mit drei Johr kasch scho Änglisch schwätze, mit fünf no Schwizerdütsch in Fätze,
mit acht spielsch s dritte Instrumänt, dr Schwimmkurs sig do no erwähnt.
Mit 18 sottsch denn alles könne, obwohls dr niemets meh duet gönne.
Nid numme d'Eltere sinn 's Problem, sondern au das Schuelsystem.
Ob näbem Stuehl oder druff, jede Lehrer macht yss muff.
(e Usszug uss em Zeedel 2019)
Naarebaschi Jungi Garde, CH-4058 Basel - Junge Garde der Naarebaschi
Naarebaschi Binggis - Fasnacht 2019
Sujet: 90 Joor Mickey Mouse
Vor 90 Joor isch är geboore, mit groosse, runde, schwarze Oore.
Schwarze Ärm und schwarze Bai. Wyssy Händsche drait är zwai,
mit roote Hoose, gääle Schueh, em e hübsche Gsichtli no derzue.
Mit groossem, braitem Suppeschlitz und schwarzem, rundem Naasespitz,
so stoot är do, verdient Applaus, zem Wiegefescht, dr Mickey Mouse.
(e Usszug uss em Zeedel 2019)
Märtplatz-Clique Basel Jungi Garde, CH-4051 Basel - Junge Garde der Märtplatz Clique Basel
Märtplatz-Clique Jungi Garde - Fasnacht 2019
Sujet: Mir wänn di
Momentan könnt me fascht maine, s syg e Rarität, oder s git e kaine.
D Reed isch vo de Buebe, de wyffe, wo statt Drummle lieber Pfyffe.
Scho die Jüngschte könmme voller Stolz in d Stunde mit em lange Holz.
Au wenn sy s Talänt zuem Pfyffe bringe, wänn sie lieber d Schleegel schwinge.
E Trend wo me vo Männer-Glygge höört und wo so mänge Obmaa zümftig stöört.
(e Usszug uss em Zeedel 2019)