Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2019


Einträge: 26-30 von 45
Seite: 6 von 9
Rätz Clique 1923 Jungi Garde, CH-4058 Basel - Junge Garde der Rätz Clique
Rätz Clique Jungi Garde - Fasnacht 2019
Sujet: Verschiide glyych
Dr Moodetrend, dä schrybt is vor, was me fir Glaider draage sott
und weeli Farbe mien in d Hoor, wenn me trendy und derby si wott.
Mainstream heisst das Zauberwort, ganz vyl sin däre Sucht verfalle,
gedanggelos und stuur verbohrt tappt jede in die Langzytfalle.
(e Usszug uss em Zeedel 2019)
Muggedätscher Jungi Garde, CH-4056 Basel - Junge Garde der Muggedätscher
Muggedätscher Jungi Garde - Fasnacht 2019
Sujet: Lieb doch, wär du wottsch
Toleranz gegeniiber Fremde zaigt me gschwinder - doch was isch, wenn die aigne Kinder
uffsmol verzelle fir wär ihr Härz schloot - und das nid in die erseenti Richtig goot?
Oder wenn dyni beschti Frindin dir gschtoot, dass si uf Fraue und nid uff Männer stoot
Wärs nid grad denn wichtig, sie z unterstitze? - Grad in schwiirige Momänt wurds nämlig nitze,
wenn wichtigi Mensche hinter aim dien stoo - und aim nid aifach ellai dien loo.
(e Usszug uss em Zeedel 2019)
Naarebaschi Jungi Garde, CH-4058 Basel - Junge Garde der Naarebaschi
Naarebaschi Binggis - Fasnacht 2019
Sujet: Dr Wältruum... unändligi Wyti... mir schryybe s Joor 1969
E ainzige Schritt fir ain elai, und dä isch erscht no schaurig glai,
grooss isch är und das isch woor, fir unseri Wält das blybt im Oor.
Bis hitt goot umme s syyg nit ächt, grad d Russe geen do hart ins Gfächt,
es sinn jo sii wo au hänn welle uff dr Mond so «auf die Schnelle».
Faggt isch aber gseend s doch yy, gschichtlig sinn sy doobe gsi.
(e Usszug uss em Zeedel 2019)
Glunggi Jungi Garde, CH-4051 Basel - Junge Garde der Glunggi
Glunggi Jungi Garde + Binggis - Fasnacht 2019
Sujet: Hesch au Drägg am Stägge? Uns stinggts!!
D Wält versufft immer mee im Drägg - Und keine macht das wiider wägg.
Das gilt nid nur für färni Länder - Nai, lueg emol übrs heimische Gländer.
Au unser Basel isch versaut - So dass es jedem Bebbi graut.
Uff Strosse, Plätz und in Rabatte - Jä sogar uff dr Tschuttimatte
Hetts jedi Mängi Zigistummel - Religgt vom dägglige Vandaalebummel.
(e Usszug uss em Zeedel 2019)
Die Versoffene Deecht Jungi Garde, CH-4051 Basel - Junge Garde der Versoffene Deecht DVD
Die Versoffene Deecht Jungi Garde - Fasnacht 2019
Sujet: Blastygg-Mee(h)r - muess das sy?
So vyyl Kilo Blaschtig-Müll, isch das wirgligg woor?
E Mängi wo nit kasch glaube, so ebbis darf nit syy!
Drumm seehts im Meer graad so uss, wie uff 're Deponie
und immer kunnt no mee derzue, acht Millione jedes Joor.
Me losst em Meer, scho eewig nimm si Rueh!
Und jedi Minute kunnt e volle Abfallwage no derzue.
(e Usszug uss em Zeedel 2019 - zämme mit de Wiehlmys Jungi Garde)