Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2019


Einträge: 36-40 von 45
Seite: 8 von 9
Breo Clique Jungi Garde, CH-4051 Basel - Junge Garde des ältesten Grossbasler Stammvereins BREO
Breo Clique Ableeger - Fasnacht 2019
Sujet: Ä schweere Usschlag
D Menschheit isch zum Schade vo alle - Vo me ne schweere Usschlag befalle
Vom ville Drägg, wo me so schluggt - Isch's ys ibel, dr Maage druggt
D Lag isch dramatisch - Für d Mensche - für d Fisch
D Meer sin grangg - Mir schmegge dr Gstangg.
Will unser Verhalte isch in Schärbe - Mien Fisch, Muschle und Koralle stärbe
(e Usszug uss em Zeedel 2019)
Rhyschnoogge Jungi Garde, CH-4058 Basel - Jungi Garde der Rhyschnoogge 1930
Rhyschnoogge Jungi Garde - Fasnacht 2019
Sujet: Die geilschti Muus wird 90
Vor 90 Johr het aine ganz versunne, uff sym Skizze-Block, e bitzli umme gspunne,
zeichnet Giraffe, Elefante, Gnus und zem Schluss a non e Muus.
Zem Spass griegt denn die Muus au non e Hose, drzue no Schlappe - und 's Famose:
links und rächts zwai ibergroossi Ohre und scho isch die Mickey Mouse gebore.
Dr dytschi Name vo däm Wäse, isch Micky Maus, no kennes au mir Bebbi läse.
(e Usszug uss em Zeedel 2019)
Breo Clique Jungi Garde, CH-4051 Basel - Junge Garde des ältesten Grossbasler Stammvereins BREO
Breo Clique Jungi Garde - Fasnacht 2019
Sujet: S Lääbe als e Spiil
Ach leen Si ys e Spiili tryybe, sisch zimmli eifach schnäll ergläärt,
sin Si artig, mien Si nit lyyde, s'macht fir Si s'Lääbe lääbenswäärt.
Si mien nur folge, scheen mitlaufe, waarte in Rai und Gliid bim Kaufe,
bi grien statt root iber d'Ambble goo, heeflig griesse, anderi duureloo.
Immer braav jedi Rächnig zaale, gar nie brielee, numme straale
(e Usszug uss em Zeedel 2019)
Pfluderi Clique Jungi Garde, CH-4051 Basel - Junge Garde der Pfluderi Clique
Pfluderi Clique Jungi Garde - Fasnacht 2019
Sujet: Dr Mond isch en alte Haas, mir gehn uff e Mars!
Hitte waiss me, dass me uff em Mond nit ka lääbe, drum duet d'Generation X und Y wyter strääbe,
's Zyyl isch dr Mars, dr unbekannti Planet in root, wo im 2018 d'Rais vom ene Ruumschiff aane goot.
En erschti Unbemannti Landig uff em Mars duet glinge, was uns uff extreem ussgfalleni Idee duet bringe.
Mir Junge Pfluderi dräume jetz vo so Sache, wie zem Mars z'raise, zem go Fasnacht mache.
Mir zaigen Eych an dääre Fascnacht unsri Visione, vyllicht emool uff em Mars z'lääbe und z'woone.
(e Usszug uss em Zeedel 2019)
Jungi Lälli 1912, CH-4052 Basel - Junge Garde und Binggis der Lälli Clique 1902
Lälli Binggis - Fasnacht 2019
Sujet: Mir geen ab in unseri Fantasiewält
Dört und Do und Dies und Das - Me wayss scho gar nümme Was
Flüchte will me vo däm ganze Stress - Neume ahne zur bessere happyness
Wie will me do normal könne läbe - Die hüttig Wält isch eifach voll denäbe
Dorum füehre mir unseri eigeni Regie - Und entfliehe in d Wält vo dr Fantasie
(e Usszug uss em Zeedel 2019)