Freie Datenbank Schweiz FDCH
Geschichten - Hintergründe - Spezialitäten

Schweizer Geschichten

Verzeichnis SujetZeedel2019


Einträge: 41-45 von 45
Seite: 9 von 9
Vereinigte Kleinbasler VKB Jungi Garde, CH-4058 Basel - Junge Garde der Vereinigten Kleinbasler 1884
Vereinigte Kleinbasler Binggis - Fasnacht 2019
Sujet: D Pirate vo Batavia sueche e neus Dehaim
Füürwehrmänner mache d Schlüüch barat, D Bolizey sperrt ab, jetzt hämmer dr Salat.
D Heggtigg isch grooss, me hört nur Gschrey, s Entsetze brait und d Bai schwär wie Bley.
Dr Luca hett grad gwüsst nach sym Ermässe, D Pirate vo Batavia kasch vergässe.
In däm Dail vom Vergniegisgarte, Sinn alli Mensche kurz vor em duurestarte.
«Schau mal Karl, wie das tut brenne, S Schlimmschte was bassiere hett kenne.»
(e Usszug uss em Zeedel 2019)
Alti Stainlemer Jungi Garde, CH-4051 Basel - Junge Garde des Stammvereins Alti Stainlemer
Alti Stainlemer Binggis - Fasnacht 2019
Sujet: Aadie Goma
Der Achilles hett e Jungs bykoo. Isch dä trans*gender oder so?
Nai, doch der Zolli merggts jetz au: Dä Gorilla-Maa isch e Gorilla-Frau.
Drum föön mer gescheiter noomool aa: D Achilla hett e Buschi ghaa.
Doch d Affemuetter hett kai Schimmer, was sii söll due im Kinderzimmer.
S wird aim ums Buschi angscht und bang. Als Retter kunnt der Doggter Lang,
wos Äffli vo der Mamme drennt, zems zue sich z nää. Und s "Goma" nennt.
(e Usszug uss em Zeedel 2019)
Jungi Lälli 1912, CH-4052 Basel - Junge Garde und Binggis der Lälli Clique 1902
Lälli Jungi Garde - Fasnacht 2019
Sujet: Ahoi Rhystärn, aadie Lälle-Keenig
S het alles contra, alles pro, esoo muesch du die Sach agoo.
Was het s Alte, was het s Naye, was wurd di Härz me erfraye.
Z Basel uf em Rhy - mien vyyli Beetli sy.
Oft isch s ebe halt esoo, S Alte muess fir s Naye goo
Aadie Keenig, bisch jetz nimme do - Ahoi Rhystärn, i waiss du machsch is froo.
(e Usszug uss em Zeedel 2019)
Vereinigte Kleinbasler VKB Jungi Garde, CH-4058 Basel - Junge Garde der Vereinigten Kleinbasler 1884
Vereinigte Kleinbasler Jungi Garde - Fasnacht 2019
Sujet: Back to the Future - d 80er Joor sin zrugg
Nit nur in dr Mode, au in andere Schparte, duet dä Achtziger Boom entarte:
S git Computerschpiil, s isch fascht gemain, die sinn programmiert im Retrodesign,
die hänn Pixel so grooss, ass sogar e Blinde, ddr Wääg zum Level 10 ka finde.
Doch unbeschtritte dr grööschti Hit, syt's uf dr Ärde Schpiilzüüg git,
isch dr Rubik-Würfel; joo , dasch woor, au dä schtammt us de Achtziger Joor.
(e Usszug uss em Zeedel 2019)
Alti Stainlemer Jungi Garde, CH-4051 Basel - Junge Garde des Stammvereins Alti Stainlemer
Alti Stainlemer Jungi Garde - Fasnacht 2019
Sujet: Errare humanum est
Drum Finger uuse, s blybt drbyy, au z Basel hedds e Mängs Genie.
Mit gscheite Männer und mit Fraue wänn mir die Stadt in d Hööchi baue;
so wird die Stadt, mer finde s stargg, e Fortschridds- und e Wüssenspargg!
Denn öbbis mien mer scho no saage, bi dr Fasnacht kasch nid klaage,
doo sin mir z Basel und au z Rieche uf dr Wält die gailschde Sieche!
(e Usszug uss em Zeedel 2019)