Schweizer Geschichten

Im März isch es ändlig zer Ereffnig ko, d Elifantealaag Tembea schtoot do!
Felse, Dootbäum und Beggi zem Baade, Fuetterautomate, wo zem Ässe yylaade.
S deent jo no guet, der ganzi Daag z gniesse, und d Bsuecher frindlig mit em Rissel begriesse.
Die Elifante sinn, so wie mir au, Häärdedier, mit Maa und Frau
und so ne Clique - Elifantehäärde - isch doch s Allerbschte uff Äärde.
(e Usszug uss em Zeedel 2018)

E Buech wo nadierlig jeede kennt. Uusekoo ischs scho vor zwanzig Joor.
Die Serii sich Harry Potter nennt. Me bikunnt die Gschicht no hütte z'Oor.
Dr Harry beherrscht nid nur Magie, Quidditch spielt är scho im erschte Joor.
Er diist em goldig Schnatz hindedryy. Und sammlet so Sieg fir Gryffindor.
(e Usszug uss em Zeedel 2018 - Binggis)

Kennsch die Lyt? Si sin bitz gspässig, si gän sich farbefroo und hässig,
si heisse Hulk und Undertaker, und sin scho ganz lang Moneymaker.
Dr Schorsch, dä het si Freud do dra, wie gärn wär är e Wrestling Maa.
Sy Babbe findet s nid dr "Hit", är waiss halt, as es bessers git.
(e Usszug uss em Zeedel 2018 - Jungi Garde)

Z Basel an mym Rhy, jo do möcht y syy."
Do mir das Joor s Jubiläum hän, wänn mir Euch allne das Gschichtli verzelle
und, wie vor 70 Joor, wider als jungi Pirate durch Basel laufe.
"Die Jungi Märtplatz het dä Friehlig, das isch woor, e grosses Jubiläum, mir fyre 70 Joor"
(e Usszug uss em Zeedel 2018)

Hinter däm was vor 50 Joor si Lauf hett gno - Dien mir Junge Mugge immer no sto.
Mit draime au hytte vo Friide, Hand in Hand - Und wyynsche uns dr Krieg in' Pfäfferland.
Terrorismus, Gwalt und Schmäärze - Vertriibe mir us unsere Häärze.
Au Yyversucht, Habgier und Hatz - Hän in unserer Wält kai Platz!
Drum saage mir's allne vo Clique bis Gugge - Unser Lääbe isch: Peace, Love, Mugge!
(e Usszug uss em Zeedel 2018)