Schweizer Geschichten

Vo Märtplatz zu Seibi bis zur Spale - Lyyde d' Rhyschnoogge grossi Quale
Well d Muggedätscher mit Drummle und Flööte - Sans-Gêne d Inseggde in Basel dien dööte.
Kumm, blooss das Schnoogekerzli us - vergiss dr Gliehwurm, dr Schmätzgi und d Luus.
Vo Aagfrässene Börger griegsch dr Pfluderi - Au d Wiehlmys bekömme vo Würmli dr Schnuuderi.
Do hilft nur e Calvados oder e Whisky Soda - E feyns Läggerli oder au e Vaudois.
(e Usszug uss em Zeedel 2018)

E lyychte Nääbel liggt überem Rhy - S isch Herbscht und d Herbschtmäss kunnt scho gly
Drwyyl y vor mi aanedröim - Gseen y die erschte Wiehnachtsböim
Y ha no kai Mässmogge gha - Do sinn scho d Grättimänner dra!
Dass alles durenander kunnt - Das wird mir wirgglig langsam z bunt
Wenn Schänggeli und Faschtewääije - Scho am Silveschter "kauf mi" krääije
(e Usszug uss em Zeedel 2018)

Es schneielet es beielet, das stellt me sich so voor.
S het in dr Schwyz jo immer Schnee - doch daas isch gar nit woor!
Mer hänn uf wissi Wienacht ghofft. Doch das Joor isch s - nit unverhofft -
scho wider z warm gsi - oh herrjee - s het Bier gää statt nur Hueschtetee!
Und wenn me hüt an Cortège goot, denn isch me gly in grooser Noot:
dy Winterjagge, die bruusch nit bi fünfedrissig Grad, wo s git!
(e Usszug uss em Zeedel 2018)

Nai, Babbi dasch nit Mastermind, nit Lara Croft im "Kampf mit Feind",
Nit Roller Coaster "Overdrill", nit Ego-Shooter "just to kill",
Nit H.E.R.O, FiFa und Tomb Raider, nit Zelda in antygge Glaider!
Ob futuristisch, ob antyy - So Spiili sinn hüt in und schygg.
Minecrafft haisst das Spiil das flotte, wo d Eltere au kenne sotte.
(e Usszug uss em Zeedel 2018)

Jeede hett welle so e Biechli haa, d'Reed isch vo däm Bappegai uus Afrika.
Gschryybe ischs im Raim, bisch mit derby in diine Draim.
Wär es isch, isch jo glaar, dr Globi e 85ig jäärige Staar.
Die Gschichte geen nit vergässe, denn jeede hett so e Biechli bsässe.
(e Usszug uss em Zeedel 2018)