Schweizer Geschichten

Dr jung Harry, jung, naiv, 11 Jöhrli alt - läbt unter dr Stäge und merkt scho bald,
dass är ganz bsunderi Fähigkeite bsitzt, was ihm hin und wider hilft und nützt.
Uff sinere Stirne e Blitz vom ene Fluech vom böse Voldemort läsisch in däm Buech,
vo dr Joanne K. Rowling, vor 20 Johr gschriebe, doch bi eim Buech isch es nit blibe.
D' Knorzi dien als Figure vom Potter brilliere, will si zum 20-ste dien jubiliere.
(e Usszug uss em Zeedel 2018)

Das isch d Gschicht vom Freddy Fläädermuus, wo jeedi Nacht im Dunggle
bi Vollmond flatteret ums Huus! Im Freddy syyni Auge funggle.
Dr Freddy frisst gärn Spinne und Insekte, au no Kääfer, Fliege und e Luus.
Das Ässe isch für in s Perfekte (Zem Gligg bi ych kai Fläädermuus).
(e Usszug uss em Zeedel 2018)