Schweizer Geschichten

Ikoone, Helde und Vorbildfiguure - Dien gar sälte Generatioone überduure
Aber au nach volle fünfenachzig Joor - Isch dr Globi Vorbild und Ikoone, noch wie voor
Dr Globi haltet sich an Moral und Wäärt - S wird schwiirig Züg ganz ring erkläärt
Uff wär söllsch achte, wo Rüggsicht nää? - Wo dörfsch hässig sii, wäm söllsch vergää?
Und d Veränderig vo Moral durch Zit - Die schwingt bim Globi immer mit.
(e Usszug uss em Zeedel 2018)

Expecto Strizzinum hän mir dänggt - Will's mit Noochwuchs zämme hänggt.
Dr J.K. Rowling ihri Gschicht - Fallt bi uns drum sehr ins Gwicht.
D Quidditch-Mannschaft triumphiert - Und unsre Harry dää brilliert.
Bi uns do kasch au uusestäche - Mit pfyffe und drummle duurebräche.
Frindschaft isch au bi uns Strizzi gross - Drum isch de Zämmehalt famos.
(e Usszug uss em Zeedel 2018)

Im Färnseh hesch friener nur gseh - schwarz wie d Nacht und wyss wie Schnee.
Syt 50 Johr ischs nümm eso, und alles gsesch jetz farbefroh.
Das gäbti glaub e riise Gschyss - e Färnseh numme schwarz und wyss.
Zwar isch, so wies e jede maag, Schwarz-Wyss au unsre Baslerstab.
Ganz farbig sinn au alli Sache, wo mir dermit hütt Fasnacht mache.
(e Usszug uss em Zeedel 2018)

E Studie sait: de Junge fäält der Bezug zem Gäld. Wär interessiert das bim Zogge in der virtuelle Wält?
Und wenn's mol bruuchsch für d "Credits" z' laade, ziehsch em Alte si Blastiggkärtli us der Schublaade.
D SNB, die gwitzte Kaibe, interbretiere druss: "Mit em Bapyyrgäld, do mache mr jetzt Schluss!
Für die Junge stelle mir Blastigg zum Spiile bereit, und für die Alte hebt's denn au für d Ewigkeit!"
Und s Gäld vom Monopoly - mir häns usbrobiert, kasch jetzt bletzlig au yyzaale und es funktioniert!
(e Usszug uss em Zeedel 2018)

dr neischti Trend isch offebaar - als Dier e Fabelexemplaar
ai Kind, esoo wie du das kennsch - isch mit em iHorn erscht ganz Mensch
doch, was isch denn des Pudels Korn - vo sällem überlange Horn?
Kunnt vom alte Relief? will me dert halt kurz und bref
en Ochs grad nur als iHorn zeigt - obwool är doch zum Zweidorn naigt?
(e Usszug uss em Zeedel 2018)